ermia_rooz 4760 ارسال شده در 17 اردیبهشت، 2011 شانه ساچدا اولایدیم سورمه قاشدا اولایدیم سیننیم گئری دؤنه یدی اون بئش یاشدا اولایدیم 4
ermia_rooz 4760 ارسال شده در 17 اردیبهشت، 2011 قادرآللاه بونه شوردور زاماندا باخچا بیزیمکیدیر گول بیزیمدگیل سن بؤلن بؤلگولر قبول اولمادی پتک بیزیمکی دیر گول بیزیم دگیل 4
ayhan 2309 ارسال شده در 20 اردیبهشت، 2011 سن گوزللر گوزلیندن ده گوزل سن گوزلیم بو گوزللیک ده ، آغیزلاردا مَثَل سن گوزلیم بو آجی دونیادا سن تکجه شیرین بیر مزه سن قوی کی من ساده دییم دادلی عسل سن گوزلیم من گوزل شعرلریمی تکجه سنین عشقه دئدیم چون کی سن لاییق بو شعر و غزل سن گوزلیم نییه سن ساچلاریوی مندن آخی گیزله دیسن ؟؟ شاعیر : وحید شکرزاده 5
مرید 1252 ارسال شده در 21 اردیبهشت، 2011 قورخوم بودور کی گلمیه سن دوشمنیم گوله گوزلر گوره گولوشلرینی غصه دن اوله دردیم بودور کی یاد اولا محرم نگاریمه من زحمتین چه کم اول یتیشسین قیزل گوله ای کاش منیم دونیادا بیر یاریم اوله یدی غم توتسا منیم باغریمی غم خواریم اوله یدی بو شاخدا ووران باغدا کی بیر گول گوزه دیه میر بیر نازلی باخیش دلبر عیاریم اوله یدی م---مرید /89 4
sheydaie 251 ارسال شده در 21 اردیبهشت، 2011 سنین ای نازنین دوستوم زمستانون بهار اولسون سعادت تاجی همیشه باشیندا برقرار اولسون امیدیم واردی او حقه نیازون اولماسین خلقه سنی خار ایستین ظالم ذلیل روزگار اولسون 4
sheydaie 251 ارسال شده در 21 اردیبهشت، 2011 نفس کیمی ایچیمدسین دعا کیمی دیلیمدسین سن هر زمان قلبیمدسین 6
arash86. 4604 ارسال شده در 22 اردیبهشت، 2011 اهل دنيا قيمتون بولسه اگر هرايكي دنياييه بير خالون دير 5
ermia_rooz 4760 ارسال شده در 24 اردیبهشت، 2011 چرخی فلک منله یامان باشلادی نه چوخوموش آهی زاری دونیانین باغبان اولدوم گیردیم دونیا باغینا حئیف کی یوخوموش باری دونیانین 4
ermia_rooz 4760 ارسال شده در 24 اردیبهشت، 2011 موقدس اولکه مین شانلی یوردومون قاریش-قاریشیلا تانیشام ایندی داغینا-دوزونه چیلنمک اوچون بولودلاردان ائنن یاغیشام ایندی 4
ermia_rooz 4760 ارسال شده در 25 اردیبهشت، 2011 او لحظه دن کی گتوردی خدا جهانه منی بابام علی ایلیوب نوکر آستانه منی اگر چی عومروده چوخ گورموشم چتین گونلر بو گون کی تک غمه سالموبدی هئچ زمانه منی اوزوم سوسوز بالالار آغلاشولا حسرتیله فغان و ناله خیمده گتوردی جانه منی آقام بویوردی منه گئت گئدنمرم چونکی بابام وئروب اوزی نوکر بو آستانه منی 4
مرید 1252 ارسال شده در 2 خرداد، 2011 ایاقدان سالاجاق یارالار منی کیمسه ده آلماسا , یار , آلار , منی گوزله ریم گول آچار گورنده سنی یوخلوقون تازادان , یارالار , منی م--مرید/ 89 3
spow 44198 ارسال شده در 7 خرداد، 2011 سرو نازه وئریب بوتون گوزللیگی تانریم او سرو نازه وئریب او هر نه ائتسه طبیعت اونا ایجازه وئریب اول آهو گؤزلو گؤرخورام منی خطایه سالا کی ، فیتنه سیله چوخ عاشیقلری گودازه وئریب اَییلدی سجده یه ، محراب گؤردو قاشلارینی اودور کی ، اهل ریا مئیلینی نمازه وئریب گولردی قیرخ گوزل عشقیله ، آغلایاردی خزر همین او ذوق صفانی کره آرازه وئریب جمال یوسیفه جاه و جلال محموده کمالی معرفتی سرّی وار ایازه وئریب گوزللیک عالمینین شهریاری دیر بو پری بونا بو سلطنت حسنی ایندی تازه وئریب بو فخریمیز بیزه واحد بؤیوک سعادتدیر زمانه ، ثروت آغیر یوکدور ، آنلامازه وئریب شاعیر : علی آقا واحد 2
spow 44198 ارسال شده در 7 خرداد، 2011 کونلوم گلوبدور تنگه ای ظالم ، ستمله قان اولان کونلوم همیشه باغ وصلینده ، گولوب خندان اولان کونلوم دوشوب مجنون کیمی ، صحرایه بیر لیلی فراقیندا بوتون عاشقلر ایچره ، منبع عرفان اولان کونلوم نه اولدو بیلمه دیم دوشدو ، جدا گولزار کویوندان همیشه خوان وصلین بزمینه ، مهمان اولان کونلوم کیمه بیلمم ، گئدیب اظهار قیلسین محنت عشقین دؤنوبدور قانه هجرینده غمی پنهان اولان کونلوم نه چاره ائیله سین ، بیلمم خلاص ائتسین اوزون غمدن اسیر محنت و پا بسته هجران اولان کونلوم اولورمی بیر زمان خرم ، یئتیشسه وصل جانانه غم هجرینله افغانلار چکیب ، گریان اولان کونلوم منم فرهاد ! عصرین سئودیگی { واحد } گوزللر دیر اودور کی لاله داغین گؤستریر ، ویران اولان کونلوم علی آقا واحد 2
spow 44198 ارسال شده در 7 خرداد، 2011 گولسون منه آخر آغلاتدین منی ، بیگانه لر گولسون منه شمع تک یاخدین منی ، پروانه لر گولسون منه منده یالوارام ، گوزون یادیله ، پیر میکده ائیله مست ائتسین منی ، مستانه لر گولسون منه پرتو خورشید رویین جام می ایچره گؤروب آغلارام قوی دوریده پیمانه لر گولسون منه قورخورام سر دهانین می ایچیب فاش ائیله یم مست اولام کیم عارف ، میخانه لر گولسون منه باغلا اول زنجیر زولفونه من سرگشته نی قویما کیم صحرانشین ، دیوانه لر گولسون منه لیلی وش ، زولفوندن آیری ایسته رم مجنون اولام قوی ائشیتسین بو سؤزی ، فرزانه لر گولسون منه ییخا بیلمزدی فلک اولسایدی ییخدی هجر یار واحدم قوی ساکن ویرانه لر گولسون منه علی آقا واحد 2
spow 44198 ارسال شده در 7 خرداد، 2011 موسيقي مجليسينين طرفه علامتلري وار گوش قيل، گور نئجه جانسوز حكايتلري وار موسيقي ذوقينه اول كس كي دگيلدير واقف بو بساطين نه بيلير، كيم نه شرافتلري وار تاري بيهوده حساب ائتمه اگر عارف سن گور كي مه رولر اليندن نه شكايتلري وار اودا بير زلفي سيه دلبرين آلوده سي دير كي صداسيندا پريشانليق اشارتلري وار خوار، ظن ائتمه، ساقين، موسيقي خادملريني اونلارين ذوقينه گير، گور نه نزاكتلري وار! موسيقي غم داغيدير، ذوق وئرير انسانه درك قيلماز بوني اونلار كي سفاهتلري وار شاعرين، موسيقي خادملرينين، رسامين اينجه دقتله دوشون، گور نه مهارتلري وار موسيقي ذوقي هلاكولره تاثير ائتميش اوخو تاريخي، دوشون، گور نه روايتلري وار بعضي نادان نه بيلير موسيقي ذوقين، "واحد" چون كي جاهل دير، اولدوقجا جهالتلري وار یازان: واحد 2
spow 44198 ارسال شده در 7 خرداد، 2011 ديل بيلن سوز آنلايان بير نازلي يار ايستر كونول لاله دن گول دن گوزل بير نو بهار ايستر كونول اعتبارين گورمه يينجه سئومه رم بير ديلبري نازنين مهپاره لردن اعتبار ايستر كونول هر قارا زولفون اسيري اولمارام بوندان سورا ايندي عالم ئوزگه دير خوش روزگار ايستر كونول اويناماق، گولمه ك ، دانيشماق ، عيش و نوش اياميدير بلبل شيدا كيمي مين لاله زار ايستر كونول هر طرف گولدير، چيچكدير بئيله آزاد ئولكه ميز دائم ئوز خوشبخت خلقين بختيار ايستير كونول بختور ((واحد))، او كسلر دير بو خوش عالمده دير هر زمان بو خوش حياتي پايدار ايستر كونول یازان: واحد 3
spow 44198 ارسال شده در 7 خرداد، 2011 اوز باشینا بوراخما ای کونول ، او نازلی یاری اوز باشینا روا دئییل قالا ائللر نگاری اوز باشینا گؤز ایله کیپریگی بیرلیکده قان تؤکور گئجه لر عجب قالیب گئنه دریا کناری اوز باشینا قراره گلدی رقیب ال گؤتورسون اول گولدن نه اعتبار اونا ، دئسین قراری اؤز باشینا او قاره گؤزلونو گؤزدن کناره قویما کونول بوراخماز اووچی گوزل بیر شیکاری اوز باشینا گول اوزلولر نه قدر وارسا باغبانی منم نئجه قویوم بئله بیر گول عذاری اوز باشینا رقیبی یاره طرف قویمایین یاخین گلسین کی گول سولار گؤره بیر بوته خاری اؤز باشینا عمومه خدمت ائله ، واحد ، آرتیب انسانلار کی ، سانما ائل قازانیب اعتباری اوز باشینا علی آقا واحد 3
arash86. 4604 ارسال شده در 9 خرداد، 2011 قيامت عمروده بير يول دييلر واردي انسانه ولي يارين فراقيندا منه هر گون قيامتدور 2
ruya 499 ارسال شده در 13 خرداد، 2011 پروانه و شمع برق اولمادی،قیزیم گئجه یاندیردی لاله نی پروانه نین ، اودم ده با خیردیم اداسینه گوردوم طواف کعبه ده یاندیقجایالواریر سویلور:«دؤزوم نه قدربو عشقین جفاسینه؟ یابوحجاب شیشه نی قالدیر کی ساورولوم یاسؤندوروب بوفتنه نی،باتما عزا سینه» باخدیم که شمع سویله دی:«ای عشق مدعی! عاشق هاچان اولوب یئته ئوز مدعا سینه؟ بیر یارمه لقا دی بیزی بیله یاندیران صبر ایله،یاندیران دا چاتار اوز جزاسینه» اما بو عشق آتشی عرشی دی،جاندا دیر قوی یاندیریب خودینی یئتیرسین خدا سینه استاد شهریار 2
sanaz.goli 3471 مالک ارسال شده در 27 مهر، 2011 گیزیل جول دن دن اولدی درمدیم دن دن اولدی من سنن آیریلمازدیم آیریلیخ سنن اولدی.. 1
ارسال های توصیه شده