ENG.SAHAND 31645 اشتراک گذاری ارسال شده در 1 تیر، ۱۳۹۳ این تاپیک رو گذاشتم برای تمامی ترک سونلر دوستاران زبان ترکی اشعار و ترانه های ترکی رو اینجا بزارند هرکی هم خواست ترجمه رو برا مهمونا بزاره لطفا ممنون چال پاپاغیم ال دایاغیم باشی توفانلی سهندیم..... 7 لینک به دیدگاه
ENG.SAHAND 31645 مالک اشتراک گذاری ارسال شده در 1 تیر، ۱۳۹۳ طبیعتین عالمی هر کسی تانری یارادیب بیر هونری واردو اونون ---------- آغدو قارا خردا بویوک بعضی آریق بعضی یوغون بعضی لر اولدی گزون آشما غینان میندی ماشین ---------- بعضی سی آشدی گزون گورمدی گوزلرده یولون بعضی شانس اوسده اولوپ قوصه سی آز ---------- بعضی قیز دوغدی گزیر کوهنه چیدن ساده دونون واقتی یوخدور ساوادی کتده قالی ایستلدی چوخ ---------- قیزیشیب دالبادالا مجبور اولوب دوغدی اونون بیری گتسون چورگ دوغدی بیرینده کمکه ---------- یتیشیب 15 یاش اما تانومور ساق یه سولون توی اولوب دکتر اوغول قیزدا موهندیس بالاسی ---------- 5 ایل اونان سوهرا دوغدی بو خانیم بیر توپولون بلگ بورکلدی قویدی آدین آقشامینان ---------- سابا گوردی بو گوزین مشهد ایدی بو یولون چیقیریب آقلادی بیر آروادی تز توتدی کنیز ---------- دده سی دوشدی دالینا آلسون اونا تز کوپونون ایکی ایل کچدی اوشاق تورک عوضی فارسی بیلیر ---------- دده سی تز تز اونا دیور نجه سن دسته گولوم بو اوشاق یدی یاشیندا قورانین حافیظی دیر ---------- آمبا کندین اوشاقی هی اوتاریر چلده قویون اوتوز ایلدیر کاسیبین بختی یاتیب یوخدور خبر ---------- ایلیشیب تیریکه هی تزریق الیور هیروئین قیناما یوخدو گوناه اوندا اودا بیر آدامدور ---------- ولی گج بیلدیکی ارزیش واریدور چخلی پولون سویوشوب 15 شی ارباب تلسور کسدی کبین ---------- بیر ایله تیکدی اوین آلدی ماشین توتدی تویون بو نجور حس السون خرجی گرگ ایشده تاپا ---------- دوننینجک دده سی اوده اوشاق ییدی بویون کاسیبا الچی گلیب تیریکی بیر اوغری ایگید ---------- تلسیر قیز آناسی صیغنی تزدن اوخیون ددی شوغلون ندیر قیز اوغلان اونا سول باخدی ----------- ددی الده ساتارام من گجه لر کتده تویوغ خالافیم یوخدو گورورسن آزی قیرخدور (40 )بو یاشیم ---------- چکمیشم یاشاماقین ایستیلیغین هم سویوغون من اوزیم رزمی کارام تیریکی سوزدور دییلر ---------- من ثابیت ادرم بلی دیون شرطی قویون کسرم من بیچرم هر کسی چپ باخسا سنه ---------- سن آدین ور ساباه تحویل آلاسان ساق قولاغین خوشی گلدی بو قیزین او اوغلانین رزمینلن ---------- سویونب آغشامیلان توتدی اونون سیخدی سویون 3 لینک به دیدگاه
آرتاش 33340 اشتراک گذاری ارسال شده در 1 تیر، ۱۳۹۳ [h=2] برای مشاهده این محتوا لطفاً ثبت نام کنید یا وارد شوید. ورود یا ثبت نام [/h] اولدوز سایاراق گوزله میشم هر گئجه یاری گج گلمه ده دیر یار یئنه اولموش گئجه یاری گؤزلر آسیلی یوخ نه قارالتی نه ده بیر سس باتمیش گولاغیم گؤرنه دؤشور مکده دی داری بیر قوش آییغام! سویلیه رک گاهدان اییلده ر گاهدان اونودا یئل دئیه لای-لای هوش آپاری یاتمیش هامی بیر آللاه اویاقدیر داها بیر من مندن آشاغی کیمسه یوخ اوندان دا یوخاری قورخوم بودی یار گلمه یه بیردن یاریلا صبح باغریم یاریلار صبحوم آچیلما سنی تاری! دان اولدوزی ایسته ر چیخا گؤز یالواری چیخما او چیخماسادا اولدوزومون یوخدی چیخاری گلمز تانیرام بختیمی ایندی آغارار صبح قاش بیله آغاردیقجا داها باش دا آغاری عشقین کی قراریندا وفا اولمیاجاقمیش بیلمم کی طبیعت نیه قویموش بو قراری؟ سانکی خوروزون سون بانی خنجردی سوخولدی سینه مده أورک وارسا کسیب قیردی داماری ریشخندله قیرجاندی سحر سویله دی: دورما جان قورخوسی وار عشقین اوتوزدون بو قماری اولدوم قره گون آیریلالی او ساری تئلدن بونجا قره گونلردی ایدن رنگیمی ساری گؤز یاشلاری هر یئردن آخارسا منی توشلار دریایه باخار بللی دی چایلارین آخاری از بس منی یاپراق کیمی هیجرانلا سارالدیب باخسان اوزونه سانکی قیزیل گولدی قیزاری محراب شفقده ئوزومی سجده ده گؤردوم قان ایچره غمیم یوخ اوزوم اولسون سنه ساری عشقی واریدی شهریارین گللی- چیچکلی افسوس قارا یل اسدی خزان اولدی بهاری 1 لینک به دیدگاه
آرتاش 33340 اشتراک گذاری ارسال شده در 1 تیر، ۱۳۹۳ [h=2] برای مشاهده این محتوا لطفاً ثبت نام کنید یا وارد شوید. ورود یا ثبت نام [/h] خان ننه ، هایاندا قالدین بئله باشیوا دولانیم نئجه من سنی ایتیردیم ! دا سنین تایین تاپیلماز سن اؤلن گون ، عمه گلدی منی گه تدی آیری کنده من اوشاق ، نه آنلایایدیم ؟ باشیمی قاتیب اوشاقلار نئچه گون من اوردا قالدیم قاییدیب گلنده ، باخدیم یئریوی ییغیشدیریبلار نه اؤزون ، و نه یئرین وار « هانی خان ننه م ؟ » سوروشدوم دئدیلر کی : خان ننه نی آپاریبلا کربلایه کی شفاسین اوردان آلسین سفری اوزون سفردیر بیرایکی ایل چکر گلینجه نئجه آغلارام یانیخلی نئچه گون ائله چیغیردیم کی سه سیم ، سینم توتولدو او ، من اولماسام یانیندا اؤزی هئچ یئره گئده نمه ز بو سفر نولوبدو ، من سیز اؤزو تک قویوب گئدیبدیر ؟ هامیدان آجیق ائده ر کن هامییا آجیقلی باخدیم سونرا باشلادیم کی : منده گئدیره م اونون دالینجا دئدیلر : سنین کی تئزدیر امامین مزاری اوسته اوشاغی آپارماق اولماز سن اوخی ، قرآنی تئز چیخ سن اونی چیخینجا بلکی ته له سیک روانلاماقدا اوخویوب قرآنی چیخدیم کی یازیم سنه : گل ایندی داها چیخمیشام قرآنی منه سوقت آل گلنده آما هر کاغاذ یازاندا آقامین گؤزو دولاردی سنده کی گلیب چیخمادین نئچه ایل بو اینتظارلا گونی ، هفته نی سایاردیم تا یاواش – یاواش گؤز آچدیم آنلادیم کی ، سن اؤلوبسن ! بیله بیلمییه هنوزدا اوره گیمده بیر ایتیک وار گؤزوم آختارار همیشه نه یاماندی بو ایتیکلر خان ننه جانیم ، نولیدی سنی بیرده من تاپایدیم او آیاقلار اوسته ، بیرده دؤشه نیب بیر آغلایایدیم کی داها گئده نمییه یدین گئجه لر یاتاندا ، سن ده منی قوینونا آلاردین نئجه باغریوا باساردین قولون اوسته گاه سالاردین آجی دونیانی آتارکن ایکیمیز شیرین یاتاردیق یوخودا ( لولی ) آتارکن سنی من بلشدیره ردیم گئجه لی ، سو قیزدیراردین اؤزووی تمیزلیه ردین گئنه ده منی اؤپه ردین هئچ منه آجیقلامازدین ساواشان منه کیم اولسون سن منه هاوار دوراردین منی ، سن آنام دؤیه نده قاپیب آرادان چیخاردین ائله ایستیلیک او ایسته ک داها کیمسه ده اولورمو ؟ اوره گیم دئییر کی : یوخ – یوخ او ده رین صفالی ایسته ک منیم او عزیزلیغیم تک سنیله گئدیب ، توکندی خان ننه اؤزون دئییردین کی : بهشت ده ، الله وئره جه ک نه ایستیور سن بو سؤزون یادیندا قالسین منه قولینی وئریبسه ن ائله بیر گونوم اولورسا بیلیرسن نه ایستیه رم من ؟ سؤزیمه درست قولاق وئر : سن ایله ن اوشاخلیق عهدین خان ننه آمان ، نولیدی بیر اوشاخلیغی تاپایدیم بیرده من سنه چاتایدیم سنیلن قوجاقلاشایدیم سنیلن بیر آغلاشایدیم یئنیدن اوشاق اولورکن قوجاغیندا بیر یاتایدیم ائله بیر بهشت اولورس داها من اؤز الله هیمدان باشقا بیر شئی ایسته مزدیم 2 لینک به دیدگاه
آرتاش 33340 اشتراک گذاری ارسال شده در 1 تیر، ۱۳۹۳ [h=2] برای مشاهده این محتوا لطفاً ثبت نام کنید یا وارد شوید. ورود یا ثبت نام [/h] ایل کئچدی، باهار اولدو، خبر یوخ گولوموزدن، گول آچمادی، قووزانمادی سس بولبولوموزدن. بایرام گونوموز، یاسلى گؤروشلرله کئچر کن، شادلیق نه اوماق بیز آییمیزدان ایلیمیزدن تقویم آلابیلمم اله، گؤردوم منه تقویم، «گؤزداغ» دىکى (تقویمى) ده گئتدى الیمیزدن. بیز باغچامیزى بئلیه بیللیک؟ داهاهیهات! نایمید اجلین بئلداری وورموش بئلیمیزدن (تقویمى) اولاردان دی کى، یاددان چیخابیلمز، یاددان نئجه چیخسین، آدى دوشمور دیلیمیزدن ائل ایچره، باشى بیریئره گاهدان اوییغاردى، اوگئتدی، ییغینجاق دا ییغیشدی ائلیمیزدن یولداش سپه لندى، ائله بیل سام یئلى اسدى، سرسام دى قالان بیزلره، بوسام یئلیمیزدن دنیا نه یامان تاپماجا دیرباش چخاران یوخ، بیزباش تاپاق آنجاق، بوقوبول- منقلمیزدن. (تقویمى) کیمى دوز کیشى؟ هیهات تاپیلماز، بیر شمع دى کى، کؤچدو بیزیم محفیلیمیزدن اوچ نازلى بالا، همسر ایله قالدیلا- باشسیز، یانساق دا اود ال چکمیه جکدیر کولوموزدن. بیر (کافیه) اوندان باجارى یادگار اولسون باش یولمادا، بیرتئلدی قالان کاکیلمیزدن ائل بیرده دئسین: «سئل سارانى قاپدى قاچیرتدى»، آغلاشدى بولودلاردا بوداشقین سئلیمیزدن بیر مزرعه دیر (شهریار) ین عومرو، نه حاصل، سئل، قویمورو بیرچؤپ ده قالا حاصیلیمیزدن 1 لینک به دیدگاه
آرتاش 33340 اشتراک گذاری ارسال شده در 1 تیر، ۱۳۹۳ [h=2] برای مشاهده این محتوا لطفاً ثبت نام کنید یا وارد شوید. ورود یا ثبت نام [/h] برق اولمادی ” قیزیم گئجه یاندیردی لاله نی پروانه نین ” اودم ده باخیر دیم اداسینه گؤردوم طواف کعبه ده یاندیقجا یالواریر سؤیلور : دؤزوم نه قدر بو عشقین جفاسینه ؟ یا بو حجاب شیشه نی قالدیرکی صاورولوم یا سوندوروب بو فتنه نی ” باتما عزاسینه ! باخدیم کی شمع سؤیله دی : ای عشقه مدعی ! عاشق هاچان اولوب یئته اؤز مدعا سینه ؟ بیر یار مه لقادی بیزی بئیله یاندیران صبر ائیله یاندیران دا چاتار اؤز جزاسینه “ اما بو عشقی آتشی عرشیدی ” جاندادیر قوی یاندیریب خودینی یئتیرسین خداسینه 1 لینک به دیدگاه
آرتاش 33340 اشتراک گذاری ارسال شده در 1 تیر، ۱۳۹۳ [h=2] برای مشاهده این محتوا لطفاً ثبت نام کنید یا وارد شوید. ورود یا ثبت نام [/h] آمان اللاه یِئنه شیطان گلیب ایمان آپارا قُورویون قُویمایون ایمانوزی شیطان آپارا منیم ، اینسانلیغمین گُؤرنه حصاری یاوادیر کـی گونوز غـولِ بیابان گلیر اینسان آپارا خرمنی ساققیزا وِئردیک نه یامان چَرچی دی بو هِی گلیر کَنده بیزه درد وئره درمان آپارا چورَگ آلمیش اَلینه ، آج نئجه طاقت گتیسین اِئله بیریازگئجه سی قیزگلیب،اوغلان آپارا قانلی دیرناخلارینان«انگلیس» اَل قاتدی بیزه باخیسان«روس»دا آرازدان کئچیر ایران آپارا آرادان بیرده بیزی بُؤلسه لر اربابلاریمیز قورخورام قُویمیالار تبریزی ، تهــران آپارا قارا طوفان کی داخی خلقیله شوخلوق اِئله مز سِئل گرَک اِئل داغیدا،اِئو ییخا،ایوان آپارا بو قارانلیق گئجه لرده قاپوموز پیس دُویولور نه بیلیم ،بلکه اَجَل دیردایانیب جان آپارا آناما سُویله یین اُوغلون ییخیلیب سنگرده تِئللرین باس یاراما ، قُویما منی قان آپارا سَلقه لی اُغرو تاپیلمیشسا بو باشسیز یئرده «شهریار»دان دا گرَک بیر دُولی دیوان آپار 1 لینک به دیدگاه
آرتاش 33340 اشتراک گذاری ارسال شده در 1 تیر، ۱۳۹۳ برای مشاهده این محتوا لطفاً ثبت نام کنید یا وارد شوید. ورود یا ثبت نام سهندیم شاه داغیم، چال پاپاغیم، ائل دایاغیم، شانلی سهند´یم باشی توفانلی سهند´یم باشدا حئیدر بابا تک قارلا، قیروولا قاریشیبسان سون ایپک تئللی بولودلارلا اوفوقده ساریشیبسان ساواشارکن باریشیبسان گؤیدن ایلهام آلالی سیرری سماواتا دییه رسه ن هله آغ کورکو بورون، یازدا یاشیل دون دا گییه رسه ن قورادان حالوا یییه رسه ن نه سرین چئشمه لرین وار او یاشیل تئللری، یئل هؤرمه ده آینالی سحه رده عیشوه لی ائشمه لرین وار قوی یاغیش یاغسا دا یاغسین سئل اولوب آخسا دا آخسین یانلاریندا دره لر وار قوی قلم قاشلارین اوچسون فره لرله، هامی باخسین باشلاریندا هئره لر وار سیلدیریملار، سره لر وار او اتکلرده نه قیزلار یاناغی لاله لرین وار قوزولار اوتلایاراق نئیده نه خوش ناله لرین وار آی کیمی هاله لرین وار گول- چیچکدن بزه نه نده، نه گلینلر کیمی نازین یئل اسه نده او سولاردا نه درین راز-و نیازین اوینایار گوللو قوتازین تیتره ییر ساز تئلی تک شاخه لرین چایدا چمنده یئل او تئللرده گزه نده، نه کوراوغلو چالی سازین اؤرده یین خلوت ائدیب گؤلده پریلرله چیمه نده قول-قاناددان اونا آغ هووله آچار غمزه لی قازین قیش گئده ر، قوی گله یازین هله نووروز گولو وار، قار چیچه یین وار، گله جکلر اوزلرین تئز سیله جکلر قیشدا کهلیک هوسیله، چؤله قاچدیقدا جاوانلار قاردا قاققیلدایاراق نازلی قلمقاشلارین اولسون یاز، او دؤشلرده ناهار منده سین آچدیقدا چوبانلار بوللو سودلو سورولر، دادلی قاووتماشلارین اولسون آد آلیر سندن او شاعیر کی سن اوندان آد آلارسان اونا هر داد وئره سه ن، یوز او موقابیل داد آلارسان تاریدان هر زاد آلارسان آداق اولدوقدا، سن اونلا داها آرتیق اوجالارسان باش اوجالدیقدا دماوند داغیندان باج آلارسان شئر الیندن تاج آلارسان او دا شئعرین، ادبین شاه داغیدیر، شانلی سهند´یم او دا سن تک آتار اولدوزلارا شئعریله کمندی او دا سیمورغدان آلماقدادی فندی شئعر یازاندا قلمیندن باخاسان دورر سپه له ندی سانکی اولدوزلار اله ندی سؤز دییه نده گؤره سه ن قاتدی گولو، پوسته نی، قندی یاشاسین شاعیر افندی او نه شاعیر، کی داغین وصفینه میصداق اونو گؤردوم من سنین تک اوجالیق مشقینه مششاق اونو گؤردوم عئشقه، عئشق اهلینه موشتاق اونو گؤردوم او نه شاعیر، کی خیال مرکبینه شووشیغایاندا او نهنگ آت، آیاغین توزلو بولودلاردا قویاندا لوله له نمکده دی یئر-گؤی، نئجه تومار سارییاندا گؤره جکسه ن او زاماندا نه زامان وارسا، مکان وارسا کسیب بیچدی بیر آندا گئچه جکلر، گله جکلر نه بویاندا، نه او یاندا نه بلیلم قالدی هایاندا؟ باخ نه حٶرمت وار اونون اؤز دئمیشی توک پاپاغیندا شهرییار´ین تاجی اه ییلمیش باشی دورموش قاباغیندا باشینا ساوریلان اینجی، چاریق اولموش آیاغیندا وحیدیر شئعری، ملکلردی پیچیلدار قولاغیندا آیه لردیر دوداغیندا شهدی وار بال دوداغیندا او دا داغلار کیمی شانینده نه یازسام یاراشاندیر او دا ظالیم قوپاران قارلا، کولکله دوروشاندیر قودوزا، ظالیمه قارشی سینه گرمیش، ووروشاندیر قودوزون کورکونه، ظالیم بیره لر تک داراشاندیر آمما واختیندا فقیر خالقی اه ییلمیش سوروشاندیر قارا میللتده هونر بولسا، هونرله آراشاندیر قارالارلا قاریشاندیر ساریشاندیر گئجه حاققین گؤزودور، طور تؤره تمیش اوجاغیندا اریییب باغ تک اوره کلردی یانارلار چیراغیندا مئی، محببتدن ایچیب لاله بیتیبدیر یاناغیندا او بیر اوغلان کی، پریلر سو ایچه رلر چاناغیندا اینجی قاینار بولاغیندا طبعی بیر سئوگیلی بولبول کی، اوخور گول بوداغیندا ساری سونبول قوجاغیندا سولار افسانه دی سؤیله ر اونون افسونلو باغیندا سحه رین چنلی چاغیندا شاعیرین ذٶوقو، نه افسونلو، نه افسانه لی باغلار آی نه باغلار کی "الیف لئیلی" ده افسانه ده باغلار اود یاخیب، داغلاری داغلار گول گوله رسه بولاق آغلار شاعیرین عالمی اؤلمه ز، اونا عالمده زاوال یوخ آرزولار اوردا نه، نه خاطیرله یه ایمکاندی، ماحال یوخ باغ-ی جننت کیمی اوردا "او حارامدیر، بو حالال" یوخ او محببتده ملال یوخ اوردا حالدیر، داها قال یوخ گئجه لر اوردا گوموشدندی، قیزیلدان نه گونوزلر نه زوموررود کیمی داغلاردی، نه مرمر کیمی دوزلر نه ساری تئللی اینه کلر، نه آلا گؤزلو اؤکوزلر آی نئجه آی کیمی اوزلر گول آغاجلاری نه طاووس کیمی چترین آچیب الوان حولله کروانیدی، چؤللر، بزه نه ر سورسه بو کروان دوه کروانی دا داغلار، یوکو اطلسدی بو حئیوان صابیر´ین شهرینه دوغرو، قاتاری چکمه ده سروان او خیالیمداکی شیروان اوردا قار دا یاغار، آمما داها گوللر سولابیلمه ز بو طبیعت، او طراوتده ماحالدیر، اولابیلمه ز عؤمر پئیمانه سی اوردا دولابیلمه ز او اوفوقلرده باخارسان نه دنیزلر، نه بوغازلار نه پری لر کیمی قولار، قونوب-اوچماقدا نه قازلار گؤلده چیممه کده نه قیزلار بالیق اولدوز کیمی گؤللرده، دنیزلرده پاریلدار آبشار مورواریسین سئل کیمی تؤکدوکده خاریلدار یئل کوشولدار، سو شاریلدار قصریلر واردی قیزیلدان، قالالار واردی عقیقدن رافائل تابلوسو تک، صحنه لری عهد-ی عتیقدن دویماسان کؤهنه رفیقدن جننتین باغلاری تک باغلارینین حورو قوصورو الده حوریلرینین جام-ی بولورو تونگونون گول کیمی صهبا-یی طهورو نه ماراقلار کی، آییق گؤزلره رؤیادی دئییرسه ن نه شافاقلار کی، دیرن باخمادا دریادی دئییرسه ن اویدوران جننت-ی مأوادی دئییرسه ن زٶهره نین قصری بیریلیان، حیصار نرده سی یاقوت قصر-ی جادودو، موهندیسلری هاروت ایله ماروت اوردا مانی دایانیب قالمیش او صورتلره مبهوت قاپی قوللوقچوسو هاروت اوردا شئعرین، موزیکین منبعی سرچئشمه دی قاینار نه پریلر کیمی فه وواره دن افشان اولوب اوینار شاعیر آنجاق اونو آنلار دولو مهتاب کیمی ایستخریدی فه وواره لر ایله ملکه اوردا چیمیر، آی کیمی مهپاره لر ایله گوللو گوشواره لر ایله شئعر-و موسیقی شاباش اولمادا، افشاندی پریشان سانکی آغ شاهیدیر اولماقدا گلین باشینا افشان نه گلینلر کی، نه انلیک اوزه سورته رلر، نه کیرشان یاخا نه تولکو نه دووشان آغ پریلر، ساری کؤینه کلی بولودلاردان ائنیرلر سود گؤلونده ملکه ایله چیمه رکن سئوینیرلر سئوینیرلر، اؤیونورلر قووزاناندا هله الده دولو بیر جام آپاریرلار سانکی چنگیلره، شاعیرلره ایلهام آپاریرلار دریا قیزلارینا پئیغام آپاریرلار دنیزین اؤرتویو ماوی، اوفوقون سقفی سماوی آینادیر هر نه باخیرسان: یئر اولوب گؤیله موساوی غرق اونون شئعرینه راوی غورفه لر، آی، بولود آلتیندا اولار تک گؤرونورلر گؤز آچیب-یومما، چیراقلار کیمی یاندیقدا سؤنورلر صحنه لر چرخ-ی فلک تک بورونوب، گاه دا چؤنورلر کؤلگه لیکلر سورونورلر زوهره ائیواندا ایلاهه شینئلینده گؤرونه رکن باخسان حافیظ´ی ده اوردا صلابتله گؤره رسه ن نه سئوه رسه ن گاه گؤره ن حافظ-ی شیراز ایله بالکاندا دوروبلار گاه گؤره ن اورتادا شطرنج قورارکن اوتوروبلار گاه گؤره ن سازیله، آوازیله ائیله نجه قوروبلار سانکی ساغر ده ووروبلار خاجه الحان اوخویاندا، هامی ایشدن دایانیرلار او نوالرله پریلر گاه اویوب گاه اویانیرلار لاله لر شٶعله سی، الوان شیشه رنگی بویانیرلار نه خومار گؤزلو یانیرلار قاناد ایسته ر بو اوفوق، قوی قالا ترلانلی سهند´یم ائشیت اؤز قیصصه می، دستانیمی، دستانلی سهند´یم سنی حئیدر بابا او نعره لر ایله چاغیراندا او سفیل داردا قالان تولکو قووان شئر باغیراندا شئیطانین شیللاغا قالخان قاتیری نوخدا قیراندا بابا قورقور (؟) سسین آلدیم، دئدیم آرخامدی، ایناندیم آرخا دوردوقدا سهند´یم ساوالان تک هاوالاندیم سئله قارشی قووالاندیم جوشقون´ون دا قانی داشدی، منه بیر هایلی سس اولدو هر سسیز بیر نفس اولدو باکی داغلاری دا، های وئردی سسه، قیها اوجالدی او تایین نعره سی سانکی بو تایدان دا باج آلدی قورد آجالدیقدا قوجالدی راحیم´ین نعره سی قووزاندی، دییه ن توپلار آتیلدی سئل گلیب نهره قاتیلدی روستم´ین توپلاری سسله ندی، دییه ن بوملار آچیلدی بیزه گول-غونچا ساچیلدی قورخما گلدیم دییه، سسلرده منه جان دئدی قارداش منه جان-جان دییه ره ک، دوشمنه قان-قان دئدی قارداش شهرییار سؤیله مه دن گاه منه سولطان دئدی قارداش من ده جانیم چیغیریب: جان سنه قوربان دئدی قارداش یاشا اوغلان سیزه داغ-داش دلی جئیران دئدی قارداش ائل، سیزه قافلان دئدی قارداش داغ، سیزه آسلان دئدی قارداش داغلی حئیدربابا´نین آرخاسی هر یئرده داغ اولدو داغا داغلار دایاق اولدو آراز´یم آینا-چیراق قویمادا،آیدین شافاق اولدو او تایین نغمه سی قووزاندی، اوره کلر قولاق اولدو یئنه قارداش دییه ره ک قاچمادا باشلار آیاق اولدو قاچدیق، اوزله شدیک آرازدا، یئنه گؤزلر بولاق اولدو یئنه غملر قالاق اولدو یئنه قارداش سایاغی سؤزلریمیز بیر سایاق اولدو وصل اییین آلمادا، ال چاتمادی عئشقیم داماق اولدو هله لیک غم سارالارکن قارالار دؤندو آغ اولدو آراز´ین سو گؤلو داشدی، قایالیقلار دا باغ اولدو ساری سونبوللره زولف ایچره اوراقلار داراق اولدو یونجالیقلار یئنه بیلدیرچینه یای-یاز یاتاق اولدو گؤزده یاشلار چیراق اولدو لاله بیتدی یاناق اولدو غونچا گولدو، دوداق اولدو نه سول اولدو، نه ساغ اولدو ائلیمی آرخامی گؤردوکده ظالیم اووچو قیسیلدی سئل کیمی ظولمو باسیلدی، زینه آرخ اولدو، کسیلدی گول گؤزوندن یاشی سیلدی تور قوران اووچو آتین قوومادا سیندی، گئری قالدی اؤزو گئتدی، تورو قالدی آمما حئیدربابا دا بیلدی کی، بیز تک هامی داغلار باغلانیب قول-قولا زنجیرده، بولودلار اودور آغلار نه بیلیم بلکه طبیعت اؤزو نامرده گون آغلار ایری یوللاری آچارکن، دوز اولان قوللاری باغلار صاف اولان سینه نی داغلار داغلارین هر نه قوچو، ترلانی، جئیرانی، مارالی هامی دوشگون، هامی پوزغون، سینه لر داغلی، یارالی گول آچان یئرده سارالی آمما ظن ائتمه کی، داغلار یئنه قالخان اولاجاقدیر محشر اولماقدادی بونلار داها وولقان اولاجاقدیر ظولم دونیاسی یانارکن ده تیلیت قان اولاجاقدیر وای ...! نه توفان اولاجاقدیر دردیمیز سانما کی، بیر تبریز-و تئهران´دیر عزیزیم یا کی، بیز تورک´ه جهننم اولان ایران´دیر عزیزیم یوخ بو دین داعواسیدیر، دونیا تیلیت قاندیر عزیزیم تورک اولا، فارس اولا دوزلوک داها تالاندیر عزیزیم بیز آتان دیندیر، آتان دا بیزی ایماندیر عزیزیم سامیری مروتد ائدیب هه نه (؟) موسلماندیر عزیزیم اوممه تین هارون´و من تک، له له گیریاندی عزیزم هر طرفدن قیلیج ائندیرسه لر (؟) قالخاندیر عزیزیم بیر بیزیم درمانیمیز موسی-یی عیمران´دیر عزیزیم گله جک شوبهه سی یوخ، آیه-یی قورآندیر عزیزیم او هامی دردلره درماندیر عزیزیم دوقتور اولدوقدا بشر بو یارانی ساغلاماق اولماز اولماسا آللاه الی دین مرضین چاغلاماق اولماز داغلاماق دا علاج اولسا بیر ائلی داغلاماق اولماز دینی آتمیش ائله یاوروم داها بئل باغلاماق اولماز او گولوب آغلایا دا، اونلا گولوب آغلاماق اولماز شئیطانی یاغلاماق اولماز دئدین: آذر ائلینین بیر یارالی نیسگیلییه م من نیسگیل اولسام دا گولوم بیر ابدی سئوگیلییه م من ائل منی آتسا دا اؤز گوللریمین بولبولویه م من ائلیمین فارسیجا دا دردینی سؤیله ر دیلییه م من دینه دوغرو نه قارانلیق ایسه ائل مشعلییه م من ادبییات گولویه م من نیسگیل اول چرچییه قالسین کی جواهیر نه دی قانمیر مدنییت دبین ائیلیر بدوییت، بیر اوتانمیر گون گئدیر آز قالا باتسین گئجه سیندن بیر اویانمیر بیر اؤز احوالینا یانمیر آتار اینسانلیغی آمما یالان انسابی آتانماز فیتنه قووزانماسا بیر گون گئجه آسوده یاتانماز باشی باشلارا قاتانماز آمما مندن ساری، سن آرخایین اول شانلی سهند´یم دلی جئیرانلی سهند´یم من داها عرش-ی اعلا کؤلگه سی تک باشدا تاجیم وار الده فیرعون´ا قنیم بیر آغاجیم وار حرجیم یوخ، فرجیم وار من علی اوغلویام، آزاده لرین مرد-و مورادی او قارانلیقلارا مشعل او ایشیقلیقلارا هادی حاققا، ایمانا مونادی باشدا سینماز سیپریم، الده کوته لمه ز قیلیجیم وار شاه داغیم، چال پاپاغیم، ائل دایاغیم، شانلی سهند´یم باشی توفانلی سهند´یم باشدا حئیدر بابا تک قارلا، قیروولا قاریشیبسان سون ایپک تئللی بولودلارلا اوفوقده ساریشیبسان ساواشارکن باریشیبسان گؤیدن ایلهام آلالی سیرری سماواتا دییه رسه ن هله آغ کورکو بورون، یازدا یاشیل دون دا گییه رسه ن قورادان حالوا یییه رسه ن دؤشلرینده سونالار سینه سی تک شوخ ممه لرده نه سرین چئشمه لرین وار او یاشیل تئللری، یئل هؤرمه ده آینالی سحه رده عیشوه لی ائشمه لرین وار قوی یاغیش یاغسا دا یاغسین سئل اولوب آخسا دا آخسین یانلاریندا دره لر وار قوی قلم قاشلارین اوچسون فره لرله، هامی باخسین باشلاریندا هئره لر وار سیلدیریملار، سره لر وار او اتکلرده نه قیزلار یاناغی لاله لرین وار قوزولار اوتلایاراق نئیده نه خوش ناله لرین وار آی کیمی هاله لرین وار گول- چیچکدن بزه نه نده، نه گلینلر کیمی نازین یئل اسه نده او سولاردا نه درین راز-و نیازین اوینایار گوللو قوتازین تیتره ییر ساز تئلی تک شاخه لرین چایدا چمنده یئل او تئللرده گزه نده، نه کوراوغلو چالی سازین اؤرده یین خلوت ائدیب گؤلده پریلرله چیمه نده قول-قاناددان اونا آغ هووله آچار غمزه لی قازین قیش گئده ر، قوی گله یازین هله نووروز گولو وار، قار چیچه یین وار، گله جکلر اوزلرین تئز سیله جکلر قیشدا کهلیک هوسیله، چؤله قاچدیقدا جاوانلار قاردا قاققیلدایاراق نازلی قلمقاشلارین اولسون یاز، او دؤشلرده ناهار منده سین آچدیقدا چوبانلار بوللو سودلو سورولر، دادلی قاووتماشلارین اولسون آد آلیر سندن او شاعیر کی سن اوندان آد آلارسان اونا هر داد وئره سه ن، یوز او موقابیل داد آلارسان تاریدان هر زاد آلارسان آداق اولدوقدا، سن اونلا داها آرتیق اوجالارسان باش اوجالدیقدا دماوند داغیندان باج آلارسان شئر الیندن تاج آلارسان او دا شئعرین، ادبین شاه داغیدیر، شانلی سهند´یم او دا سن تک آتار اولدوزلارا شئعریله کمندی او دا سیمورغدان آلماقدادی فندی شئعر یازاندا قلمیندن باخاسان دورر سپه له ندی سانکی اولدوزلار اله ندی سؤز دییه نده گؤره سه ن قاتدی گولو، پوسته نی، قندی یاشاسین شاعیر افندی او نه شاعیر، کی داغین وصفینه میصداق اونو گؤردوم من سنین تک اوجالیق مشقینه مششاق اونو گؤردوم عئشقه، عئشق اهلینه موشتاق اونو گؤردوم او نه شاعیر، کی خیال مرکبینه شووشیغایاندا او نهنگ آت، آیاغین توزلو بولودلاردا قویاندا لوله له نمکده دی یئر-گؤی، نئجه تومار سارییاندا گؤره جکسه ن او زاماندا نه زامان وارسا، مکان وارسا کسیب بیچدی بیر آندا گئچه جکلر، گله جکلر نه بویاندا، نه او یاندا نه بلیلم قالدی هایاندا؟ باخ نه حٶرمت وار اونون اؤز دئمیشی توک پاپاغیندا شهرییار´ین تاجی اه ییلمیش باشی دورموش قاباغیندا باشینا ساوریلان اینجی، چاریق اولموش آیاغیندا وحیدیر شئعری، ملکلردی پیچیلدار قولاغیندا آیه لردیر دوداغیندا شهدی وار بال دوداغیندا او دا داغلار کیمی شانینده نه یازسام یاراشاندیر او دا ظالیم قوپاران قارلا، کولکله دوروشاندیر قودوزا، ظالیمه قارشی سینه گرمیش، ووروشاندیر قودوزون کورکونه، ظالیم بیره لر تک داراشاندیر آمما واختیندا فقیر خالقی اه ییلمیش سوروشاندیر قارا میللتده هونر بولسا، هونرله آراشاندیر قارالارلا قاریشاندیر ساریشاندیر گئجه حاققین گؤزودور، طور تؤره تمیش اوجاغیندا اریییب باغ تک اوره کلردی یانارلار چیراغیندا مئی، محببتدن ایچیب لاله بیتیبدیر یاناغیندا او بیر اوغلان کی، پریلر سو ایچه رلر چاناغیندا اینجی قاینار بولاغیندا طبعی بیر سئوگیلی بولبول کی، اوخور گول بوداغیندا ساری سونبول قوجاغیندا سولار افسانه دی سؤیله ر اونون افسونلو باغیندا سحه رین چنلی چاغیندا شاعیرین ذٶوقو، نه افسونلو، نه افسانه لی باغلار آی نه باغلار کی "الیف لئیلی" ده افسانه ده باغلار اود یاخیب، داغلاری داغلار گول گوله رسه بولاق آغلار شاعیرین عالمی اؤلمه ز، اونا عالمده زاوال یوخ آرزولار اوردا نه، نه خاطیرله یه ایمکاندی، ماحال یوخ باغ-ی جننت کیمی اوردا "او حارامدیر، بو حالال" یوخ او محببتده ملال یوخ اوردا حالدیر، داها قال یوخ گئجه لر اوردا گوموشدندی، قیزیلدان نه گونوزلر نه زوموررود کیمی داغلاردی، نه مرمر کیمی دوزلر نه ساری تئللی اینه کلر، نه آلا گؤزلو اؤکوزلر آی نئجه آی کیمی اوزلر گول آغاجلاری نه طاووس کیمی چترین آچیب الوان حولله کروانیدی، چؤللر، بزه نه ر سورسه بو کروان دوه کروانی دا داغلار، یوکو اطلسدی بو حئیوان صابیر´ین شهرینه دوغرو، قاتاری چکمه ده سروان او خیالیمداکی شیروان اوردا قار دا یاغار، آمما داها گوللر سولابیلمه ز بو طبیعت، او طراوتده ماحالدیر، اولابیلمه ز عؤمر پئیمانه سی اوردا دولابیلمه ز او اوفوقلرده باخارسان نه دنیزلر، نه بوغازلار نه پری لر کیمی قولار، قونوب-اوچماقدا نه قازلار گؤلده چیممه کده نه قیزلار بالیق اولدوز کیمی گؤللرده، دنیزلرده پاریلدار آبشار مورواریسین سئل کیمی تؤکدوکده خاریلدار یئل کوشولدار، سو شاریلدار قصریلر واردی قیزیلدان، قالالار واردی عقیقدن رافائل تابلوسو تک، صحنه لری عهد-ی عتیقدن دویماسان کؤهنه رفیقدن جننتین باغلاری تک باغلارینین حورو قوصورو الده حوریلرینین جام-ی بولورو تونگونون گول کیمی صهبا-یی طهورو نه ماراقلار کی، آییق گؤزلره رؤیادی دئییرسه ن نه شافاقلار کی، دیرن باخمادا دریادی دئییرسه ن اویدوران جننت-ی مأوادی دئییرسه ن زٶهره نین قصری بیریلیان، حیصار نرده سی یاقوت قصر-ی جادودو، موهندیسلری هاروت ایله ماروت اوردا مانی دایانیب قالمیش او صورتلره مبهوت قاپی قوللوقچوسو هاروت اوردا شئعرین، موزیکین منبعی سرچئشمه دی قاینار نه پریلر کیمی فه وواره دن افشان اولوب اوینار شاعیر آنجاق اونو آنلار دولو مهتاب کیمی ایستخریدی فه وواره لر ایله ملکه اوردا چیمیر، آی کیمی مهپاره لر ایله گوللو گوشواره لر ایله شئعر-و موسیقی شاباش اولمادا، افشاندی پریشان سانکی آغ شاهیدیر اولماقدا گلین باشینا افشان نه گلینلر کی، نه انلیک اوزه سورته رلر، نه کیرشان یاخا نه تولکو نه دووشان آغ پریلر، ساری کؤینه کلی بولودلاردان ائنیرلر سود گؤلونده ملکه ایله چیمه رکن سئوینیرلر سئوینیرلر، اؤیونورلر قووزاناندا هله الده دولو بیر جام آپاریرلار سانکی چنگیلره، شاعیرلره ایلهام آپاریرلار دریا قیزلارینا پئیغام آپاریرلار دنیزین اؤرتویو ماوی، اوفوقون سقفی سماوی آینادیر هر نه باخیرسان: یئر اولوب گؤیله موساوی غرق اونون شئعرینه راوی غورفه لر، آی، بولود آلتیندا اولار تک گؤرونورلر گؤز آچیب-یومما، چیراقلار کیمی یاندیقدا سؤنورلر صحنه لر چرخ-ی فلک تک بورونوب، گاه دا چؤنورلر کؤلگه لیکلر سورونورلر زوهره ائیواندا ایلاهه شینئلینده گؤرونه رکن باخسان حافیظ´ی ده اوردا صلابتله گؤره رسه ن نه سئوه رسه ن گاه گؤره ن حافظ-ی شیراز ایله بالکاندا دوروبلار گاه گؤره ن اورتادا شطرنج قورارکن اوتوروبلار گاه گؤره ن سازیله، آوازیله ائیله نجه قوروبلار سانکی ساغر ده ووروبلار خاجه الحان اوخویاندا، هامی ایشدن دایانیرلار او نوالرله پریلر گاه اویوب گاه اویانیرلار لاله لر شٶعله سی، الوان شیشه رنگی بویانیرلار نه خومار گؤزلو یانیرلار قاناد ایسته ر بو اوفوق، قوی قالا ترلانلی سهند´یم ائشیت اؤز قیصصه می، دستانیمی، دستانلی سهند´یم سنی حئیدر بابا او نعره لر ایله چاغیراندا او سفیل داردا قالان تولکو قووان شئر باغیراندا شئیطانین شیللاغا قالخان قاتیری نوخدا قیراندا بابا قورقور (؟) سسین آلدیم، دئدیم آرخامدی، ایناندیم آرخا دوردوقدا سهند´یم ساوالان تک هاوالاندیم سئله قارشی قووالاندیم جوشقون´ون دا قانی داشدی، منه بیر هایلی سس اولدو هر سسیز بیر نفس اولدو باکی داغلاری دا، های وئردی سسه، قیها اوجالدی او تایین نعره سی سانکی بو تایدان دا باج آلدی قورد آجالدیقدا قوجالدی راحیم´ین نعره سی قووزاندی، دییه ن توپلار آتیلدی سئل گلیب نهره قاتیلدی روستم´ین توپلاری سسله ندی، دییه ن بوملار آچیلدی بیزه گول-غونچا ساچیلدی قورخما گلدیم دییه، سسلرده منه جان دئدی قارداش منه جان-جان دییه ره ک، دوشمنه قان-قان دئدی قارداش شهرییار سؤیله مه دن گاه منه سولطان دئدی قارداش من ده جانیم چیغیریب: جان سنه قوربان دئدی قارداش یاشا اوغلان سیزه داغ-داش دلی جئیران دئدی قارداش ائل، سیزه قافلان دئدی قارداش داغ، سیزه آسلان دئدی قارداش داغلی حئیدربابا´نین آرخاسی هر یئرده داغ اولدو داغا داغلار دایاق اولدو آراز´یم آینا-چیراق قویمادا،آیدین شافاق اولدو او تایین نغمه سی قووزاندی، اوره کلر قولاق اولدو یئنه قارداش دییه ره ک قاچمادا باشلار آیاق اولدو قاچدیق، اوزله شدیک آرازدا، یئنه گؤزلر بولاق اولدو یئنه غملر قالاق اولدو یئنه قارداش سایاغی سؤزلریمیز بیر سایاق اولدو وصل اییین آلمادا، ال چاتمادی عئشقیم داماق اولدو هله لیک غم سارالارکن قارالار دؤندو آغ اولدو آراز´ین سو گؤلو داشدی، قایالیقلار دا باغ اولدو ساری سونبوللره زولف ایچره اوراقلار داراق اولدو یونجالیقلار یئنه بیلدیرچینه یای-یاز یاتاق اولدو گؤزده یاشلار چیراق اولدو لاله بیتدی یاناق اولدو غونچا گولدو، دوداق اولدو نه سول اولدو، نه ساغ اولدو ائلیمی آرخامی گؤردوکده ظالیم اووچو قیسیلدی سئل کیمی ظولمو باسیلدی، زینه آرخ اولدو، کسیلدی گول گؤزوندن یاشی سیلدی تور قوران اووچو آتین قوومادا سیندی، گئری قالدی اؤزو گئتدی، تورو قالدی آمما حئیدربابا دا بیلدی کی، بیز تک هامی داغلار باغلانیب قول-قولا زنجیرده، بولودلار اودور آغلار نه بیلیم بلکه طبیعت اؤزو نامرده گون آغلار ایری یوللاری آچارکن، دوز اولان قوللاری باغلار صاف اولان سینه نی داغلار داغلارین هر نه قوچو، ترلانی، جئیرانی، مارالی هامی دوشگون، هامی پوزغون، سینه لر داغلی، یارالی گول آچان یئرده سارالی آمما ظن ائتمه کی، داغلار یئنه قالخان اولاجاقدیر محشر اولماقدادی بونلار داها وولقان اولاجاقدیر ظولم دونیاسی یانارکن ده تیلیت قان اولاجاقدیر وای ...! نه توفان اولاجاقدیر دردیمیز سانما کی، بیر تبریز-و تئهران´دیر عزیزیم یا کی، بیز تورک´ه جهننم اولان ایران´دیر عزیزیم یوخ بو دین داعواسیدیر، دونیا تیلیت قاندیر عزیزیم تورک اولا، فارس اولا دوزلوک داها تالاندیر عزیزیم بیز آتان دیندیر، آتان دا بیزی ایماندیر عزیزیم سامیری مروتد ائدیب هه نه (؟) موسلماندیر عزیزیم اوممه تین هارون´و من تک، له له گیریاندی عزیزم هر طرفدن قیلیج ائندیرسه لر (؟) قالخاندیر عزیزیم بیر بیزیم درمانیمیز موسی-یی عیمران´دیر عزیزیم گله جک شوبهه سی یوخ، آیه-یی قورآندیر عزیزیم او هامی دردلره درماندیر عزیزیم دوقتور اولدوقدا بشر بو یارانی ساغلاماق اولماز اولماسا آللاه الی دین مرضین چاغلاماق اولماز داغلاماق دا علاج اولسا بیر ائلی داغلاماق اولماز دینی آتمیش ائله یاوروم داها بئل باغلاماق اولماز او گولوب آغلایا دا، اونلا گولوب آغلاماق اولماز شئیطانی یاغلاماق اولماز دئدین: آذر ائلینین بیر یارالی نیسگیلییه م من نیسگیل اولسام دا گولوم بیر ابدی سئوگیلییه م من ائل منی آتسا دا اؤز گوللریمین بولبولویه م من ائلیمین فارسیجا دا دردینی سؤیله ر دیلییه م من دینه دوغرو نه قارانلیق ایسه ائل مشعلییه م من ادبییات گولویه م من نیسگیل اول چرچییه قالسین کی جواهیر نه دی قانمیر مدنییت دبین ائیلیر بدوییت، بیر اوتانمیر گون گئدیر آز قالا باتسین گئجه سیندن بیر اویانمیر بیر اؤز احوالینا یانمیر آتار اینسانلیغی آمما یالان انسابی آتانماز فیتنه قووزانماسا بیر گون گئجه آسوده یاتانماز باشی باشلارا قاتانماز آمما مندن ساری، سن آرخایین اول شانلی سهند´یم دلی جئیرانلی سهند´یم من داها عرش-ی اعلا کؤلگه سی تک باشدا تاجیم وار الده فیرعون´ا قنیم بیر آغاجیم وار حرجیم یوخ، فرجیم وار من علی اوغلویام، آزاده لرین مرد-و مورادی او قارانلیقلارا مشعل او ایشیقلیقلارا هادی حاققا، ایمانا مونادی باشدا سینماز سیپریم، الده کوته لمه ز قیلیجیم وار 1 لینک به دیدگاه
آرتاش 33340 اشتراک گذاری ارسال شده در 1 تیر، ۱۳۹۳ [h=2] برای مشاهده این محتوا لطفاً ثبت نام کنید یا وارد شوید. ورود یا ثبت نام [/h] هر چند قوتولماق هله یوخ دارلیغمیزدان اما بیر آزادلیق دوغولوب وار لیغمیزدان (وارلیق)نه بیزیم تکجه آزادلیق قوشوموز دیر بیر مژده ده وئرمیش بیزه همکار لیغمیزدان به به نه شیرین دیللی،بو جنت قوشی،طوطی قندین آلیب الهام له دیندار لیغمیزدان دیل آچامدا کارلیق داگئدر،کورلوغلوموزدا چون لا للیغمیز دوغموش ایدی کار لیغمیزدان دشمن بیزی ال بیر گؤره،تسلیم اولی ناچار تسلیم اولوروق دشمنهناچار لیغمیزدان هر انقلابین وور- ییخی صون بنالیق ایسته ر دستور گرگ آلماق داها معمار لیغمیزدان هشیار اولاسوز،دشمنی مغلوب ائده جکسیز دشمنلریمیز قورخوری هشیار لیغمیزدان بیرلیک یارادون،سؤز بیر اولاربیز کیشی لرده یوخلوقلاریمیز بیتدیره جک وار لیغمیزدان 1 لینک به دیدگاه
آرتاش 33340 اشتراک گذاری ارسال شده در 1 تیر، ۱۳۹۳ بیلمـم، بـو نـازنیـن کیمیـن ایستکلـی یـاریـدیــر؟ یــا هــانســی بختیــارلاریــن بختیــاریــدیــر! آچـدیقجـا گـول جمـالینـی، ائللـر فـرحلـه نیـر گویا، گـؤزه للیـک عـالمینیـن نـو بـاهـاریـدیـر دونیـا بـو نـازنیــن ملگیــن حســرتیــن چکیــر خلقیـن سئـویملـی آفتـی، هـم شهـریـاریـدیــر یوز دفعه یانساق عشق اودونا، قورخو بیلمه ریک چـونکـی دیـاریمیـز بیـزیـم اودلار دیـاریـدیــر بیـر واخـت سجـده گـاه ایـدی آتـش پـرستلــره شهـرِ صبـا کـی، مـرکــزی دریــا کنــاریــدیــر قان ائتمـه سـاقـی بـاغـریمیـزی، بـاده تئـز گتیـر دولدور قدحلری، گئجه میـز کئچـدی یـاریـدیـر هر کیم دئییـرسـه، سئـومـه بـو رعنـا گـؤزه للـری بیلمیر کـی، سئـوگـی عـالمـی بـی اختیـاریـدیـر بیر گون گلر کی، من گئـده رم، خلـق سئـویلـه یـر: بیچـاره واحیـدیـن بــو غــزل یــادگــاریــدیــر علی آقا واحد 1 لینک به دیدگاه
آرتاش 33340 اشتراک گذاری ارسال شده در 1 تیر، ۱۳۹۳ دئدیم:ای غنچه دهن،کونلومو قان ائیله میسن، دئدی:بیجا یئره عشقیمده فغان ائیله میسن! دئدیم:انصاف ائله،اینجیتمه منی،عاشیقینم، دئدی:گئت،سیرریمی دونیایا عیان ائیله میسن! دئدیم:- آغلاتما منی سرو بویون شوقونده، دئدی:گوز یاشینی بیهوده روان ائیله میسن دئدیم:- آخیر گوزه لیم،باغ و باهاریم سنسن، دئدی:- سن عومرونو حسرتله خزان ائیله میسن. دئدیم:- آز چکمه میشم گوزلرینین حسرتینی، دئدی:- اوز کونلونو یئرسیز نیگران ائیله میسن. دئدیم :عشقینده اسیرم،منه بس خیری نه دیر؟ دئدی:- اولده بو سئودادا زیان ائله میسن. دئدیم:عشق اتشی نئیلر منه،قورخان دئییلم! دئدی:-بیچاره یانارسان نه گمان ائیله میسن؟! دئدیم:- ای گول،من ازلده نده گوزل عاشیقییم، دئدی:- سن روحونو عشق ایله جاوان ائیله میسن. دئدیم:- هر گون سر-کویوندا دولانماقدیر ایشیم، دئدی:- واحد،نه گوزه ل یئرده مکان ائیله میسن! "واحد" 3 لینک به دیدگاه
Paroshat 6378 اشتراک گذاری ارسال شده در 1 تیر، ۱۳۹۳ آغلاتدی منی / عاصم اردبیلی آغلامازدیم زامان آغلاتدی منی دوز یولوندان آزان آغلاتدی منی گؤردوم حسرتدی همالر سوموگه ایشله ییر شاختا سوموکدن ایلیگه دوزوموزده اه ییلیر ایری لیگه قالدی قانماز ، قانان آغلاتدی منی آغلامازدیم زامان آغلاتدی منی تک صبیر گلدی دئدیم ایش دوزه له ر قار گئده ر ، زور ارییه ر ، یاز دا گله ر نه بیلیم یازدا بوران باغری ده له ر یوخا چیخمیش گومان آغلاتدی منی آغلامازدیم زامان آغلاتدی منی دئدیله ر بیر گون اولار ساز حالیمیز قیتدیق اولسا واریمیز یاغ بالیمیز ایندی کی اون تک اولوب ساققالیمیز بو یالان سؤز یامان آغلاتدی منی آغلامازدیم زامان آغلاتدی منی ظن ائدیردیم آغیر اولسا یارالار یارالار آغریسین آنجاق یار آلار نه بیلئیدیم اوره یی یار یارالار بیلمه مه زلیکدی قان آغلاتدی منی آغلامازدیم زامان آغلاتدی منی اره لر توشدو کو جنگل جانینا تولکولر تور توخودو اصلانینا طرلانین اووچو باتیرجاق قانینا اوخدان آرتیق کمان آغلاتدی منی آغلامازدیم زامان آغلاتدی منی اریمه ز قالدی بئیین ده بوزوموز گؤیده سایریشمادی بخت اولدوزوموز نه قویون قالدی نه املیک قوزوموز قوردا به نزه ر چوبان آغلاتدی منی آغلامازدیم زامان آغلاتدی منی من دئدیم باغلاسا یادلار قولومو دایاغیم وار قورویا ساغ سولومو قوپدو بیر کن کی ایتیردیم یولومو داغا باخدیم دومان آغلاتدی منی آغلامازدیم زامان آغلاتدی منی وای بیزه اولدی پوزولماز یازیمیز مضراب اود توتدی قیریلدی سازیمیز قالدی قیشلانمادا عاصم یازیمیز یازی گول سوز یازان آغلاتدی منی آغلامازدیم زامان آغلاتدی منی گریه نمی کردم ، زمان گریاند مرا آنکه گمراه شده گریاند مرا دیدم در حسرتند بر استخوانها سرما بر استخوانها نفوذ کرده راستمان نیز به سوی کجی خم می شود نفهم به جای خوب ، فهمیده گریاند مرا گریه نمی کردم ، زمان گریاند مرا صبر آمد گفتم کارها درست می شود برف می رود ، یخ ذوب می شود ، بهار از راه می رسد از کجا می دانستم که در بهار بوران دل را می شکافد این گمان محو شده گریاند مرا گریه نمی کردم ، زمان گریاند مرا گفتند روزی حالمان خوب می شود قحطی هم باشد عسل و روغن داریم اکنون که ریشمان همچون آرد کدر شده این وعده دروغ بدجوری گریاند مرا فکر می کردم زخمها عمیق هم باشند درد زخم را یار مرحم می نهد از کجا می دانستم که دل را یار زخمی می کند این ندانستن است که خون گریاند مرا گریه نمی کردم ، زمان گریاند مرا اره ها که به جان جنگلها افتادند روباه ها که بر شیرها تله بافتند آهو را که شکارچی به خونش غلطاند بیش از تیر کمان گریاند مرا گریه نمی کردم ، زمان گریاند مرا یخ مغزمان ذوب نشده ، ماند ستاره بختمان در آسمان ندرخشید نه گوسفند ماند و نه بره شیرخواره اش چوپان گرگ صفت گریاند مرا گریه نمی کردم ، زمان گریاند مرا فکر کردم اگر بیگانه ها بر دستهایم زنجیر بزنند حامی دارم که مواظب چپو راستم باشد مه ای برپاشد که راهم را گم کردم به کوه نگاه کردم ، ابر گریاند مرا گریه نمی کردم ، زمان گریاند مرا وای برما ، نوشته مان پاک نشدنی ماند مضراب آتش گرفت و سازمان شکست بهارمان به زمستان ماند عاصم آنکه بهار را بی گل نوشت گریاند مرا گریه نمی کردم زمان گریاند مرا 4 لینک به دیدگاه
آرتاش 33340 اشتراک گذاری ارسال شده در 1 تیر، ۱۳۹۳ فیکریندن گئجه لر یاتا بیلمیرم بو فیکری باشیمدان آتا بیلمیرم دئییرم چون سنه چاتا بیلمیرم آیریلیق، آیریلیق، آمان آیریلیق هر بیر دردن اولار یامان آیریلیق اوزوندور هیجرینده قارا گئجه لر بیلمیرم من گئدیم هارا گئجه لر ووروبدور قلبیمه یارا گئجه لر آیریلیق، آیریلیق، آمان آیریلیق هر بیر دردن اولار یامان آیریلیق یادیما دوشنده آلا گوزلرین گویده اولدوزلاردان آلام خبرین نئیله ییم کسیبدیر مندن نظرین آیریلیق، آیریلیق، آمان آیریلیق هر بیر دردن اولار یامان آیریلیق آیریلیق دردینی چکمه ین بیلمز یاردان آیری دوشن گوز یاشین سیلمز دئییرلر اینتظار خسته سی اؤلمز آیریلیق، آیریلیق، آمان آیریلیق هر بیر دردن اولار یامان آیریلیق نئجه کی ائلیمدن آیری دوشندن سورار بیربیرینی گوروب بیلندن حسرتله سیزلار یار داییم بو غمدن آیریلیق، آیریلیق، آمان آیریلیق هر بیر دردن اولار یامان آیریلیق ایل لردی اوزاقام آرخام ائلیم دن بلبلم دوشموشم آیری گولوم دن جور ایله آییریب شیرین دیلیم دن آیریلیق، آیریلیق، آمان آیریلیق هر بیر دردن اولار یامان آیریلیق اولوبدور بیگانه یاریم_ یولداشیم غریبه ساییلیر سئوگیم – سیرداشیم بوجاوان چاقیمدا آغاردیب باشیم آیریلیق، آیریلیق، آمان آیریلیق هر بیر دردن اولار یامان آیریلیق منی آغلاداندان گولوش ایسته رم آیری دوشنیمله گوروش ایسته رم حصاری ییخماقا یوروش ایسته رم آیریلیق، آیریلیق، آمان آیریلیق هر بیر دردن اولار یامان آیریلیق سئوگیلیک اولوبدور شانی فرهادین سئوگی سی هاردادیر، هانی فرهادین دییه ره ک چیخاجاق جانی فرهادین آیریلیق، آیریلیق، آمان آیریلیق هر بیر دردن اولار یامان آیریلیق 4 لینک به دیدگاه
آرتاش 33340 اشتراک گذاری ارسال شده در 1 تیر، ۱۳۹۳ هر عاشق اولان عشقه گرفتار اولابیلمز هر خورما ساتان میثم تمار اولابیلمز مخلوق خداوند اوزونه اولمیان عاشیق حق عاشقه تك صاحب ایثار اولابیلمز دونیا مالونا شهرتینه وورقون اولانلار انفاق ایلهمز طالب دیدار اولابیلمز ماموره اگر رشوه یماخ اولماسا عادات مظلوملارین قاننه ظالم سورا بیمزا میمون تكین هر سوزه تقلید ایلینلر اندیشه ادیب صاحب افكار اولابلمز صابر یمه غم هر گونین ئوز قصه سه واردور مفرق پاراسه گوهر شهوار اولابیلمز 4 لینک به دیدگاه
ENG.SAHAND 31645 مالک اشتراک گذاری ارسال شده در 1 تیر، ۱۳۹۳ گولوستان باغینین دورسی ایوان ایواندا یاتیپ بیر قارا تل اوغلان..............:hapydancsmil: 4 لینک به دیدگاه
Paroshat 6378 اشتراک گذاری ارسال شده در 1 تیر، ۱۳۹۳ سن جانیمسین ظولم ائتمه کلبیمه بیر باکارسین یانارسین حالیمه آه گؤزوندن دوشموشوم بن نییه گه ل گئجیکمه بو حالی عمرومده گه ل گون گلیر آغلیرسین کابریمده آه گؤزوندن دوشموشوم بن نییه نه اولدو جان ؟ نه اولدو اونجا یاشانانلار نه اولدو جان ؟ شیمدی نه ره لرده سین کیمله رده سین هانی سنین جانانین بندیم نه اولدو جان ؟ آیریلمازدین بیر آن یانیمدان نه اولدو جان ؟ بن سیز بیر یئرلره گیتمه زدین شیمدی اسن یئللرده می سین بن هر شئیمی سانا وئردیم یوللارینا جانیمی سردیم اؤیله بیر سئودی کی بو کالبیم اونوتماز آرتیق بیر آن سنی اؤیله بیر سئودی کی بو کالبیم یاشاتماز آرتیق سئودان بنی نه اولدو جان ؟ سن ائویمین پنبه گولویدون نه اولدو جان ؟ شیمدی باشکا ائولرده میسین دویدوم کی اونوتموشسون بنی اؤیله می جان 4 لینک به دیدگاه
Paroshat 6378 اشتراک گذاری ارسال شده در 3 تیر، ۱۳۹۳ من اوزاخ سفره یوللانان گمی سنی ترک ائدیرم بیر لیمان کیمی قوخما آیرلیخدان بوراخ الیمی سئوگی آیرلیخدان، گوجلودو والله دونیادا نه قدر سئوگی وار بیل کی سن منیم دیلیمین ازلی ، ایلکی قوخما آیرلیخدان،اولوم دییل کی سئوگی آیرلیخدان، گوجلودو والله سن هله بیلمیسن آیرلیخ نه دیر هر سفر کونلونو سیخیر، ایللدیر آیرلئخ جیسمیدی، روح سنینله دیر سئوگی آیرلیخدان، گوجلودو والله قورخولو اینتیظار وار آغلار گوزونده نئچه یالواریش وار بیر جه سوزونده بیر گون بیلجکسن ائله سن اوزونده سئوگی آیرلیخدان، گوجلودو والله نه فرقی، یاخینام یا کی اوزاغام هله کی سنینم نه قدرساغام اولسم او دونیادان قایئداجاغام سئوگی آیرلیخدان، گوجلودو والله گوز یاشی عبث دیر توکوب گئدجم کونلومو اودلارا یاخیب گئدجم من سنه ،هامی یا ثبوت ادجم سئوگی آیرلیخدان، گوجلودو والله 5 لینک به دیدگاه
spow 44197 اشتراک گذاری ارسال شده در 2 مرداد، ۱۳۹۳ گئجه لر هاممی یاتیر ، من آیا لای لای دئییرم آغلئرام صبحه کیمین ، حالیما من وای دئییرم گئچیر عمروم غمینن ، آیرئلیقین چاره سی یوخ آغاران توکلـــــریمی ، من فلـکه سای دئییرم 4 لینک به دیدگاه
ENG.SAHAND 31645 مالک اشتراک گذاری ارسال شده در 3 مرداد، ۱۳۹۳ گئجه لر هاممی یاتیر ، من آیا لای لای دئییرمآغلئرام صبحه کیمین ، حالیما من وای دئییرم گئچیر عمروم غمینن ، آیرئلیقین چاره سی یوخ آغاران توکلـــــریمی ، من فلـکه سای دئییرم یاشا داداش یاشا 4 لینک به دیدگاه
ENG.SAHAND 31645 مالک اشتراک گذاری ارسال شده در 7 مرداد، ۱۳۹۳ بیرگون آغیز قالی بوش، بیر گون دولی داد اولی گون وار کی، هئچ زاد اولماز، گون وار کی هر زاد اولی بختین دورسا، گوررسن یادلار قوهوم قارداش دی آمما بختین یاتاندا قوهوم قارداش یاد اولی چالیش آدین گلنده رحمت اوخونسون سنه دنیادا سندن قالان آخیردا بیر آد اولی گوردون ایشین اگیلدی دورما اکیل، گوزدن ایت دوستون گوره ر داریخار دوشمن گوره ر شاد اولی 2 لینک به دیدگاه
ارسال های توصیه شده